शिरुर तालुक्यातील RTI कार्यकर्त्याच्या हत्येचा कट उपविभागीय पोलिसअधिकाऱ्यांच्या सतर्कतेमुळे उधळला!

शिरुर तालुक्यातील RTI कार्यकर्त्याच्या हत्येचा कट उपविभागीय पोलिस अधिकाऱ्यांच्या सतर्कतेमुळे उधळला!

दैनिक शब्दमत न्युज नेटवर्क 

टाकळी हाजी( शिरूर) प्रतिनिधी: शेख शौकत मुजावर शिरुर तालुक्यातील RTI /व्हिसल ब्लोअर कार्यकर्ते अशोक भोरडे यांच्या गाडीचा पाठलाग करत हत्येचा कट रचल्या प्रकरणी शिक्रापुर पोलिस स्टेशन येथे तीन जणांविरुद्ध अपंग व्यक्तीचे अधिकार अधिनियम २०१६ तसेच इतर विविध कलमान्वये गुन्हा दाखल झाला असुन गुन्ह्यात वापरलेली बलेनो कार क्रं एम एच १२ एक्स ई ५१०९ शिक्रापुर पोलिसांनी ताब्यात घेतली आहे.

शिक्रापुर पोलिसांनी दिलेल्या माहितीनुसार दि ३ फेब्रुवारी २०२५ रोजी दुपारी RTI / व्हिसल ब्लोअर कार्यकर्ते अशोक भोरडे हे कुटुंबियांसोबत बाहेरगावी जात असताना हि घटना घडली आहे त्यांनी निमगाव म्हाळुंगी (ता. शिरुर) येथे नियमबाह्य डोंगर उत्खनन चालु असल्याबाबत शिरुरचे तहसीलदार बाळासाहेब म्हस्के तसेच तलाठी आबासाहेब रुके यांच्याकडे तक्रार केली होती.त्याचा राग धरून त्यांच्या गाडीचा पाठलाग करत त्यांची हत्या करण्याचा कट रचला गेला होता. 

परंतु अशोक भोरडे यांनी शिरुरचे उपविभागीय पोलिस अधिकारी प्रशांत ढोले तसेच बीट अंमलदार किशोर तेलंग यांना फोन केला. तसेच ११२ वर संपर्क साधत घटनेची माहिती दिली.त्यामुळे तातडीने पोलिस घटनास्थळी आले आणि पाठलाग करणारी कार ताब्यात घेतली.त्यामुळे पुढील अनर्थ टळला. भोरडे यांच्या फिर्यादीवरुन अमोल सतिश वडघुले,मयुर शामराव वडघुले,राहुल शंकर करपे सर्व रा.टाकळी भिमा ता.शिरुर जि.पुणे यांच्यावर गुन्हा दाखल झाला.

अशोक भोरडे यांच्या जिवीताला धोका निर्माण झाला असुन त्यांच्या सुरक्षेचा प्रश्न ऐरणीवर आला आहे.भोरडे यांनी यापुर्वीही अनेकवेळा गौणखनिज उत्खनन,वाहतुक आणि शासकीय अधिकाऱ्यांच्या तक्रारी केलेल्या असुन त्यांची चौकश्या चालु आहेत. तसेच त्यांनी वेळोवेळी उपोषण, आंदोलन करुन अनेक पिडीत व्यक्तींना न्याय मिळवुन देण्यासाठी ते सतत संघर्ष करत आहेत.त्यामुळे अनेकजण त्यांच्यावर चिडून आहेत. त्यामुळे त्यांच्या जिवीताला धोका निर्माण झाला असुन शासनाने त्यांना पोलीस संरक्षण दयावे अशी मागणी तालुक्यातील काही सामाजिक कार्यकर्ते व विविध संघटनांनी केली आहे.